Contacto
O concello de Beariz está nunha zona que conta con importantes atractivos turísticos grazas ás súas características naturais e culturais e as accións de conservación e difusión que veñen sendo realizadas.
A rede de carreiros contribúe a que os visitantes poidan coñecer os espazos naturais e riqueza histórica e etnográfica do concello mediante un turismo activo e respectuoso co medio. Preténdese aproveitar todo o potencial destes importantes recursos achegando novas ferramentas tecnolóxicas e canles de comunicación que favorezan a actividade turística, comercial e o desenvolvemento integral do concello de Beariz.
