Esta ruta, de case dezaseis quilómetros de lonxitude, vai dende a aldea de Pazos do Arenteiro ata a praia fluvial da Veronza, en Ribadavia, pasando tamén pola localidade de Leiro e por extensos viñedos. No seu camiño, avanzaremos sempre polo val do río Avia, que irá a un lado do camiño durante case toda a viaxe.
Interese Cultural
Conxunto da aldea de Pazos de Arenteiro, igrexa de San Miguel de Lebosende, ponte medieval de San Clodio (e posibilidade de desviarse e visitar o mosteiro de San Clodio e a vila de Ribadavia).
Interese Natural e Paisaxístico
Contorna do río Avia, paisaxe vitivinícola, praia fluvial da Veronza.
Pazos de Arenteiro – Ribadavia (inicio e fin da ruta)
A pista, que parte da aldea de Pazos do Arenteiro, comeza a ascender pola ladeira do val do río Avia para posteriormente entrar nun bosque de carballos e castiñeiros autóctonos.
Avanzando por este camiño, que discorre entre antigas terrazas de viñedo, chégase a Lebosende, onde destaca a igrexa de San Miguel de Lebosende, de estilo románico. Despois, a ruta descende ata o nivel do río Avia e chegamos á cidade de Leiro, onde cruzaremos o leito do río pola Ponte das Poldras para pasar á súa marxe esquerda. A partir deste momento é posible desviarse cara ao Mosteiro de San Clodio, un edificio relixioso de referencia na rexión pola súa importancia histórica e patrimonial.
Se continuamos a ruta, chegaremos ao seguinte punto de interese: a ponte medieval de San Clodio, que data do século XV. Máis adiante, o camiño faise máis estreito e comeza a estar rodeado de árbores que alternan con claros onde é posible ver amplas extensións de viñedos.
Finalmente, a ruta remata na praia fluvial da Veronza, moi preto da cidade de Ribadavia, onde no verán é posible gozar dun baño nas augas do río Avia.
Percorrido: Pazos do Arenteiro, Leiro, Ribadavia.
