Viño, auga e natureza
O Ribeiro é sinónimo de viño e xa na Idade Media os monxes do mosteiro de San Clodio de Leiro fixérono chegar ás señoriais mesas de España e Portugal. Foi tamén un dos primeiros viños en chegar a América dentro das expedicións de Cristóbal Colón.
A Denominación de Orixe Ribeiro é a máis antiga de Galicia e unha das primeiras recoñecidas en España onde os amantes do enoturismo teñen unha boa oferta organizada arredor da Ruta do Viño do Ribeiro.
